کراچی میں بلدیاتی انتخابات میں منتخب 229 نشستوں کےحتمی نتائج مکمل کر لیے گئے جب کہ 6 نشستوں پر چیف الیکشن کمشنر کےنوٹس کےبعدنتائج روک لیےگئے۔ 15جنوری کو 235نشستوں پر انتخابات ہوئےتھے۔
پہلےجاری کردہ نتائج میں تبدیلی کازیادہ فائدہ پی ٹی آئی کو ہوا جس کی 2 نشستوں میں اضافہ ہوا۔ پیپلزپارٹی اور جماعت اسلامی کی نشستوں میں کمی ہوئی۔
الیکشن کمیشن نتائج کےمطابق پی پی 93، جماعت اسلامی کی 86 اور پی ٹی آئی کی 40نشستیں تھیں۔ آراوز کے مطابق پیپلزپارٹی91، جماعت اسلامی85 اور پی ٹی آئی کو 42نشستیں ملیں۔
ن لیگ7، جے یو آئی 2، ٹی ایل پی کو ایک اور آزادامیدوار کو ایک نشست ملی۔ کامیاب امیدواروں کا نوٹیفکیشن ایک دو دن میں جاری ہونےکا امکان ہے۔
نوٹیفکیشن کےاجرا کے بعد کامیاب امیدواروں کی حلف برداری ہو گی۔ خواتین کی مخصوص نشستوں کاتعین اورخالی نشستوں پرالیکشن کافیصلہ کیاجائےگا۔
مخصوص نشستوں کے تعین کے بعد ٹاؤنز چیئرمین کا انتخاب عمل میں لایا جائےگا۔
