پاکستان تحریک انصاف کی قومی اسمبلی میں اگلی چال کیا ہو گی؟ فوادچوہدری نے اے آر وائی نیوز کے پروگرام آف دی ریکارڈ میں پی ٹی آئی کی اگلی چال بتا دی۔

پروگرام میں گفتگو کرتے ہوئے انہوں نے کہا کہ راجہ ریاض کو اپوزیشن لیڈر سے ہٹانے کیلئے 21 سیٹیں چاہئیں ہمارے استعفے منظور کر لیے لیکن یہ بےوقوف ہیں ہمیں مخصوص نشستوں کےذریعے34سیٹیں مل جائیں گے اور ان 34 مخصوص نشستیں ملنے کے بعد پی ٹی آئی پھر اکثریت میں ہوگی.

فوادچوہدری نے کہا کہ مخصوص نشستوں ملنےکے بعد راجہ ریاض اینڈ کمپنی کو فارغ کر دیں گے ہمارا مقصد ہے راجہ ریاض اینڈ کمپنی شہبازشریف کو اعتماد کا ووٹ نہ دے ہمارا مقصد ہے اعتماد کے ووٹ میں ہم راجہ ریاض اینڈ کمپنی کوفارغ کردیں۔

انہوں نے کہا کہ حالات ایسے ہیں کہ کسی بھی وقت طوفان آسکتا ہے حالات بہت خراب ہوتے ہوئے دیکھ رہا ہوں آج کل حالات دیکھ کرطوفان سے پہلے خاموشی لگ رہی ہے پاکستان کو ایک بہت بڑے بحران کا شکار کر دیا گیا ہے۔