کراچی میں موت کا رقص جاری ہے، حکومتی دعوؤں اور ٹارگٹڈ کاروائیوں میں ہزاروں گرفتاریوں کے باوجود دہشت گرد آزاد گھوم رہے ہیں، چوبیس گھنٹوں کے دوران مذہبی جماعت کے کارکنان سمیت چودہ افراد جان سے گئے۔
شہر قائد بدستور دہشتگردوں کے نشانے پر ہیں، ہزاروں چھاپوں اور سیکڑوں گرفتاریوں کے باوجود دہشتگرد آزاد ہیں، ڈالمیا روڈ پر نامعلوم افراد کی فائرنگ سے وحدت المسلمین کے چار کارکنان موت کو موت کی وادی میں دھکیل دیا گیا۔
ترجمان وحدت الملسمین کے مطابق جاں بحق علیم اور صفدر بلدیاتی انتخابات میں ہزارہ گوٹھ سے امیدوار تھے، اورنگی ٹاؤن رئیس امروہی موڑ کے قریب فائرنگ سے ایک شخص جاں بحق ہوگیا، ایدھی ذرائع کے مطابق ماڑی پورکے علاقے میں فائرنگ سے ایک شخص زخمی ہوا۔
دوسری جانب جرائم کے خاتمے کے لئے پولیس اور رینجرز کی کوششیں بھی جاری ہیں، شارع نورجہاں پولیس کی کاروائی میں دو ٹارگٹ کلرزگرفتار ہوئے جن سے اسلحہ برآمد ہوا، پولیس کے مطابق ملزمان کا تعلق سیاسی جماعت سے ہے۔
