پاکستانی ڈرامہ انڈسٹری کی معروف اداکارہ عنایا خان کی ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر عنایا خان نے ویڈیو شیئر کی جسے سوشل میڈیا صارفین کی جانب سے خوب سراہا جارہا ہے۔
ویڈیو کے بیک گراؤنڈ میں گانا ’سائبو! نینا نوابی جی‘ کو سنا جانا سکتا ہے جبکہ عنایا خان نے ویڈیو میں جامنی رنگ کا لباس زیب تن کیا ہے۔
View this post on Instagram
اداکارہ سوشل میڈیا پر لاکھوں فالوورز رکھتی ہیں جبکہ وہ اکثر ویڈیوز اور تصاویر شیئر کرتی رہتی ہیں۔ اس سے قبل بھی انہوں نے تصاویر شیئر کی تھیں جو سوشل میڈیا پر وائرل ہوگئی تھیں۔
View this post on Instagram
عنایا خان نے پروگرام ’گڈ مارننگ پاکستان‘ میں بتایا تھا کہ مجھے گلوکاری کا شوق تھا، کبھی اداکاری کی جانب آنے کا ارادہ نہیں تھا لیکن ایک دو اشتہار کرنے کے بعد اندازہ ہوا کہ اداکاری بھی کرسکتی ہوں۔
اداکارہ کا کہنا تھا کہ کبھی سوچا نہیں تھا کہ اداکاری کروں گی لیکن اب ڈراموں میں آگئی ہوں تو بہت اچھا لگتا ہے۔
یاد رہے کہ عنایا خان اے آر وائی ڈیجیٹل کے ڈرامے ’میرے اپنے‘ میں ’مریم‘ کا منفی کردار ادا کیا تھا، ڈرامے کی دیگر کاسٹ میں علی عباس، حاجرہ یامین، زویا ناصر، زینب شبیر، وسیم عباس، آغا مصطفیٰ حسن، اسامہ خان ودیگر شامل تھے۔
