پی سی بی مینجمنٹ کمیٹی کے چیئرمین نجم سیٹھی نے پاکستان سپر لیگ (پی ایس ایل) پر کتاب لکھنے کا اعلان کردیا۔
اے آر وائی نیوز کے مطابق پاکستان کرکٹ بورڈ مینجمنٹ کمیٹی کے چیئرمین نجم سیٹھی نے کہا کہ پی ایس ایل کی مارکیٹنگ اچھی نہیں ہورہی اس پر توجہ دینے کی ضرورت ہے۔
انہوں نے کہا کہ پی ایس ایل پر ایک کتاب لکھوں گا کہ کتنی مشکلات پیش آئیں۔
- Advertisement -
نجم سیٹھی نے کہا کہ کراچی کے میڈیا کو یقین دلایا کہ کراچی میں میچز ہوں گے ویسٹ انڈیز کی ٹیم نے تین میچز کی سیریز کھیلی تھی شائقین کی بڑی تعداد اسٹیڈیم آئی۔
انہوں نے کہا کہ دنیا نے دیکھا کہ ہم پر امن ہیں دنیا کی سب ٹیمیں یہاں آرہی ہیں اس مرتبہ ایک میچ بلوچستان کے بگٹی اسٹیڈیم میں بھی کرائیں گے۔
چیئرمین پی سی بی مینجمنٹ کمیٹی نے مزید کہا کہ باہر کھیلنے والے تمام کھلاڑیوں کو واپس بلایا ہے۔
