لاہور ہائی کورٹ نے پنجاب میں الیکشن کی تاریخ کا اعلان نہ کرنے کے خلاف دائر درخواست سماعت کے لیے مقرر کر دی۔
درخواست پاکستان تحریک انصاف کی جانب سے بیرسٹر علی ظف نے دائر کی تھی جس پر جسٹس جواد حسن 30 جنوری بروز پیر سماعت کریں گے۔ درخواست میں گورنر پنجاب بلیغ الرحمٰن کو بذریعہ پرنسپل سیکرٹری فریق بنایا گیا ہے۔
پی ٹی آئی نے درخواست میں مؤقف اختیار کیا کہ آئین کے تحت اسمبلی تحلیل ہونے کے فوری بعد گورنر پنجاب نے الیکشن کا اعلان کرنا ہے، الیکشن کی تاریخ کا اعلان نہیں کیا جا رہا جو کہ آئینی خلاف ورزی ہے۔
- Advertisement -
درخواست میں کہا گیا کہ 10 دن سے زائد ہو چکے لیکن گورنر پنجاب نے الیکشن کی تاریخ کا اعلان نہیں کیا، وہ اپنے حلف کی خلاف ورزی کر رہے ہیں۔
اس میں استدعا کی گئی کہ لاہور ہائی کورٹ پنجاب میں الیکشن کی تاریخ کے لیے گورنر کو ہدایات جاری کرے۔
