شاہراہوں پر ہونے والے اکثر ٹریفک حادثات معمولی نوعیت کے ہوتے ہیں کہ جس میں کوئی جانی نقصان نہیں ہوتا، لیکن کچھ واقعات ایسے بھی ہیں جنہیں دیکھ کر لگتا ہے گاڑی میں سوار شخص کسی صورت نہیں بچا ہوگا۔
ایک ایسی ہی ویڈیو سوشل میڈیا پر وائرل ہورہی ہے جس میں ایک تیز رفتار پک اپ ٹرک اچانک قلابازی کھاتا ہے جسے دیکھنے والے خوف سے ساکت ہوجاتے ہیں۔
وائرل ویڈیو میں دکھایا گیا ہے کہ ایک پک اپ ٹرک جو ایک شاہراہ پر اپنی رفتار جارہی ہے اس کے پیچھے ایک کار جو غالباً پولیس کی معلوم ہوتی ہے اس کے پچھلے پہیے پر ٹکر مارتی ہے۔
Persecusión de película pic.twitter.com/gHsrxqjbXf
— Accidentes Fatales (@accidents_12) January 29, 2023
اس ٹکر کے نتیجے میں پک اپ ٹرک ڈرائیور کے قابو سے نکل جاتا ہے اور قلابازی کھاتا ہوا سڑک کے درمیان میں بنی کنکریٹ کی دیوار سے ٹکرا کر سیدھا ہوجاتا ہے اور پھر چل پڑتا ہے جیسے کچھ ہوا ہی نہ ہو۔
اس ویڈیو پر سوشل میڈیا صارفین حیرت کا اظہار کرتے ہوئے اپنے خیالات کا اظہار کررہے ہیں۔
