کراچی : انٹر بینک میں ڈالر مزید سات روپے چالیس پیسے مہنگا ہو کر 270 روپے کی بلند ترین سطح پر پہنچ گیا۔
تفصیلات کے مطابق انٹر بینک مارکیٹ میں روپے کے مقابلے میں ڈالر مزید مستحکم ہوگیا اور ملک کی تاریخ کی بلند ترین سطح پر پہنچ گیا۔
کاروباری ہفتے کے پہلے روز ڈالر سات روپے چالیس پیسے مہنگا ہوا اور 270 روپے پر جا پہنچا۔
- Advertisement -
فاریکس ڈیلرز نے بتایا کہ بینکوں کی جانب سے درآمد کنندگان کو ڈالر 271 روپے 60 پیسےمیں فروخت کیا اور اوپن مارکیٹ میں ڈالر 268 سے 272 روپےتک میں فروخت ہوا۔
اسٹیٹ بینک کا کہنا ہے کہ کاروبار کے اختتام پر انٹر بینک میں ڈالر7 روپے3 پیسے مہنگا ہوکر 269 روپے 63پربندہوا۔
فاریکس ڈیلرز کے مطابق انٹر بینک میں پچھلے3دن میں ڈالر میں38.74 روپےکا اضافہ ہو چکا ہے۔
