اسلام آباد : پاکستان تحریک انصاف کے چیئرمین عمران خان نے کہا ہےکہ انصاف کے حصول تک دھرنا جاری رہے گا۔
ڈی چوک جاری دھرنے کے شرکاء سے خطاب میں پاکستان تحریک انصاف کے چیئرمین عمران خان کا کہنا تھا کہ ہمارا دھرنا الیکشن میں دھاندلی کے خلاف ہے اپنے مقصد کے حصول تک دھرنے میں بیٹھے رہیں گے، ان کا کہنا تھا آزادی مارچ کے بدولت بہت جلد پاکستان میں حقیقی جمہوریت نظرآئے گی۔
عمران خان نے کہا کہ انصاف لئیے بغیر دھرنے سے نہیں جاؤنگا اسپیکرصاحب استعفے قبول کرو،اسمبلی کو نہیں مانتے۔ہم اس دھاندلی ذدہ اسمبلی کو نہیں مانتےہیں۔
عمران خان نے کہا کہ اے آروائی نیوز کی بندش کیخلاف احتجاج کریں گے، پیمرا کا چئیر مین مسلم لیگ ن کا گلوبٹ ہے اے آر وائی کی بندش غیر آئینی اورغیرقانونی ہے، اے آروائی نیوز نوازشریف کی کرپشن دکھا رہا تھا۔
عمران خان نے اے آر وائی نیوز کی بندش پر پیمرا ہیڈ آفس کے باہر احتجاج کرنے کا اعلان کردیا۔
