کراچی: شہرقائد میں بجلی کی عدم فراہمی، پانی کے ناپید ہونےکے بعد گیس بھی عوام کی پہنچ سے دور ہوگئی ہے۔
شہر قائد مسائلستان بن گیا، یہاں کے باسیوں کو کھبی پانی کی بندش کا سامنا کرنا پڑتا ہے تو کھبی بجلی کی آنکھ مچولی کا سامنا کرنا پڑتا ہے۔
آئی ایم ایف کی شرائط کے بعد گیس کی قیمتوں میں ہوشربا اضافہ کردیا گیا ہے تاہم شہر قائد کے باسیوں کو یہ مہنگی گیس بھی میسر نہیں ، جس کے باعث شہریوں کے صبر کا پیمانہ لبریز ہوگیا اور انہوں نے سوئی گیس ہیڈ آفس پر دھرنا دے دیا۔
یہ بھی پڑھیں: گیس کی عدم فراہمی، عوام کے صبر کا پیمانہ لبریز ہوگیا
احتجاج بلدیہ ٹاؤن کراچی کے مکینوں کی جانب سے کیا گیا جو آٹھ ماہ سے گیس کی عدم بندش کا عذاب جھیل رہے تھے، آج مظاہرہ کے دوران سوئی گیس ہیڈ آفس کے سامنے بطور احتجاج سڑک پر لیٹ گئے جس کے باعث ایکسپو سینٹر اور اس کے اطراف شدید ٹریفک جام ہوا۔
بعد ازاں جنرل مینجر سوئی سدرن گیس کمپنی نے مظاہری کے پانچ رکنی وفد کو مذاکرات کے لئے بلایا اور انہیں کل شام چھ بجے تک گیس کی مکمل بحالی کی یقین دہانی کرائی تاہم مظاہرین کا کہنا تھا کہ جب تک گیس بحال نہیں ہوگی احتجاج جاری رکھیں گے۔
