لاہور: پنجاب پولیس میں بڑے پیمانے پر تقرری و تبادلے کردیے گئے، متعدد ڈی پی اوز کو سینٹرل پولیس آفس رپورٹ کرنے کا حکم دیا گیا ہے۔
پنجاب پولیس کی جانب سے نوٹیفکیشن جاری کردیا گیا جس کے مطابق ڈی پی او قصور عمران کرامت بخاری کو ہٹا دیا گیا، عمران کرامت بخاری کو سینٹرل پولیس آفس رپورٹ کرنے کا حکم دیا گیا ہے۔
نوٹیفکیشن میں طارق عزیز سندھو کو ڈی پی او قصور، عاصم افتخار کو ڈی پی او ننکانہ صاحب مقرر کیا گیا ہے جبکہ سردار مواہرن خان کو سینٹرل پولیس آفس رپورٹ کرنے کا حکم جاری کیا گیا۔
اس کے علاوہ ذیشان رضا کو ڈی پی او سیالکوٹ، محمد فیصل کو ڈی پی اوسرگودھا، رانا طاہر رحمان کو ڈی پی او نارووال اور واحد محمود کو ڈی پی او چکوال مقرر کردیا گیا۔
جاری نوٹیفکیشن کے مطابق ڈی پی او چکوال کامران نواز کو سینٹرل پولیس آفس اور ڈی پی او خانیوال نعیم عزیز کو سینٹرل پولیس آفس رپورٹ کرنے کا حکم دیا گیا ہے۔
پنجاب پولیس حکام نے رانا عمر فاروق کو ڈی پی او خانیوال، سید اسد مظفرکو ڈی پی او گجرات مقرر کیا ہے، ڈی پی او اٹک فضل حامد کو سینٹرل پولیس آفس رپورٹ کرنے کا حکم دیا گیا ہے، ناصر محمود باجوہ کو ڈی پی او جہلم اور فہد احمد کی ڈی پی او حافظ آباد تقرری کی گئی ہے۔
