کراچی : پیپلزپارٹی کے رہنما سینیٹر تاج حیدر نے پنجاب اور کے پی ہونے والے انتخابات میں تاخیر کرنے کی سختی سے مخالفت کردی۔
یہ بات انہوں نے نمائندہ اے آر وائی نیوز نعیم اشرف بٹ سے خصوصی گفتگو کرتے ہوئے کہی، ان کا کہنا تھا کہ انتخابات وقت سے ایک دن بھی آگے نہیں ہونے چاہئیں۔
پیپلزپارٹی الیکشن سیل کے انچارج سینیٹر تاج حیدر کا کہنا تھا کہ خراب حالات سے نمٹنے کے لیے مؤثر اقدامات کیے جائیں۔
انہوں نے متنبہ کیا کہ اگر اقدامات اٹھانے کے باوجود کچھ ہوگیا تو ووٹ ڈالنے وہی جائے گا جو زندہ بچے گا لیکن یہ نہیں ہو سکتا کہ الیکشن نہ کرائے جائیں۔
جو زندہ بچ گیا ووٹ دینے پہنچ جائے گا لیکن یہ نہیں ہو سکتا کہ الیکشن نہ کرائے جائیں۔ پیپلزپارٹی الیکشن سیل کے انچارج سینیٹر تاج حیدر نے پنجاب اور کے پی انتخابات میں تاخیر کی مخالفت کردی۔
ایک سوال کے جواب میں ان کا کہنا تھا کہ اگر دہشت گردی کا خطرہ ہے تو پولنگ اسٹیشنوں پر حفاظتی انتظامات کیے جائیں، انتخابات میں ایک دن کی تاخیر بھی قبول نہیں۔
