اسلام آباد: صوبوں اور مرکز میں عام انتخابات کے التوا کی بھونڈی کوشش شروع کردی گئی ہے۔
ذرائع کے مطابق الیکشن کے التوا کے لئے حکومتی اتحادی جماعتوں میں ابتدائی مشاورت مکمل کرلی گئی ہے، الیکشن کے التوا کے لئے پی ڈی ایم کا پلیٹ فارم استعمال کرنے کی تجویز سامنے آئی ہے۔
ذرائع نے دعویٰ کیا ہے کہ اس معاملے پر پی ڈی ایم عدالت سےرجوع کرسکتی ہے جس کا ہوم ورک مکمل کرلیاگیا ہے اور عدالت میں پٹیشن دائرکرنےکیلئےقانونی ماہرین سے مشاورت جاری ہے۔
اس سے قبل وفاقی وزیرقانون اعظم نذیرتارڑ نے ایک بیان میں کہا تھا کہ انتخابات میں التوا کی آئین میں اجازت موجود ہے، اس کےلیے نئی قانون سازی کی ضرورت نہیں۔
اعظم نذیرتارڑ کا کہنا تھا کہ انتخابات میں التوا کےلیے ٹھوس وجوہات کا ہونا ضروری ہے، انہوں نے مزید کہا کہ کوئی بھی آئینی کام اس وجہ سے غیرآئینی نہیں ہوتا کہ وہ مقررہ مدت کے بعد کیا جائے۔
دوسری جانب سابق وزیراعظم عمران خان کئی مواقعوں پر کہہ چکے کہ کسی صورت انتخابات کا التوا نہیں ہونے دینگے، ہم نے دو اسمبلیاں تحلیل کیں، قانون کے مطابق نوے روز میں الیکشن کرانا لازمی ہے۔
