ایبٹ آباد : ن لیگ کے نظریاتی کارکنان نے خیبرپختونخوا کے صدر امیر مقام اور سیکرٹری مرتضیٰ جاوید عباسی پر تحفظات کا اظہار کردیا۔
تفصیلات کے مطابق مسلم لیگ ن کی سینئر نائب صدر مریم نواز کے دورہ ایبٹ آباد سے قبل ہی ن لیگ اختلافات کا شکار ہے.
ن لیگ کے مرکزی نائب صدر سابق گورنر سردار مہتاب احمد خان آج پارٹی ورکرز سے خطاب کریں گے، جس میں وہ اپنے آئندہ کے لائحہ عمل کا اعلان کریں گے۔
دوسری جانب ن لیگ کے نظریاتی کارکنان کا خیبر پختونخواہ کے صدر امیرمقام اور جنرل سیکرٹری مرتضی جاوید عباسی پر شدید تحفظات کا اظہار کر دیا۔
ضلعی عہدیدران کا کہنا تھا کہ نظریاتی ورکرز سے مریم نواز کے دورہ کے حوالے سے رابطہ تک نہیں کیا گیا، لیگی صوبائی قیادت نے پارٹی کو تباہی کے دھانے پر پہنچا دیا ہے۔
یاد رہے لیگی قیادت نے پہلے ہی مریم نواز کے دورہ کے موقع پر احتجاج کا اعلان کر رکھا ہے، مریم نواز 9 فروری کو ایبٹ آباد میں ورکرز کنونشن سے خطاب کریں گی۔
