اسلام آباد : تحریک انصاف کے ارکان نے آج قومی اسمبلی کے اجلاس میں شرکت کا فیصلہ کرلیا ، عدالت نے پی ٹی آئی کے ارکان کے استعفے معطل کر دئیے تھے۔
تفصیلات کے مطابق قومی اسمبلی کا اجلاس آج 11 بجے پارلیمنٹ ہاؤس اسلام آباد میں ہو گا، پی ٹی آئی ارکان نے اسمبلی اجلاس میں شرکت کا فیصلہ کیا ہے۔
ذرائع نے بتایا کہ تحریک انصاف کے ارکان آج پارلیمنٹ ہاوس میں اکٹھے ہوں گے ، ارکان سینیٹ اپوزیشن لیڈر کےچیمبرمیں اکٹھےہوں گے۔
ذرائع کا کہنا تھا کہ ارکان عدالتی تحریری فیصلہ ملنےاور عمران خان کی ہدایت پرقومی اسمبلی میں جائیں گے۔
گذشتہ روز پی ٹی آئی کے 43ارکان کے استعفے لاہورہائیکورٹ نے معطل کر دئیے تھے۔
عدالت نے پی ٹی آئی ارکان کے استعفے منظورکرنے کیخلاف درخواست سماعت کیلئے منظور کرتے ہوئے وفاقی حکومت،الیکشن کمیشن اور اسپیکر قومی اسمبلی کو نوٹس جاری کردیا اور جواب طلب کرلیا تھا۔
یاد رہے پی ٹی آئی کے اراکین ریاض فتیانہ، نصر اللہ خان ،طاہر صادق سمیت دیگر نےدرخواست دائر کی تھی ، جس میں اسپیکرقومی اسمبلی،الیکشن کمیشن سمیت دیگر کو فریق بنایا گیا تھا۔
