سی ٹی ڈی اور وفاقی حساس ادارے نے راولپنڈی میں مشترکہ کارروائی کرتے ہوئے کالعدم ٹی ٹی پی کے 2 انتہائی مطلوب دہشتگردوں کو گرفتار کر لیا۔
سی ٹی ڈی پنجاب کے مطابق دہشتگرد حیات اللہ اور وکیل خان کا تعلق حاجی فقیر گروپ سے ہے اور دہشتگردوں نے خودکش حملہ آور کیساتھ پولیس لائنز پر حملہ کرنا تھا۔
دوران تفتیش دہشتگردوں نے انکشاف کیا کہ تھانہ صدر بیرونی، ڈسٹرکٹ کورٹس، سینٹ پال چرچ ان کاہدف تھے پولیس لائنز اسلام آبادسمیت حساس مقامات ہدف تھے۔
- Advertisement -
دہشتگردوں نے انکشاف کیا کہ ریکی کر کے تصاویر کالعدم ٹی ٹی پی کمانڈر افغانستان کو بھجوائے گئے۔
سی ٹی ڈی پنجاب کے مطابق حاجی فقیر گروپ افغانستان سے آپریٹ کر رہا ہے تاہم گرفتار ملزمان کیخلاف مقدمہ درج کر لیا گیا ہے اور مزید تفتیش جاری ہے۔
