معروف اداکارہ مریم نفیس کے شوہر امان احمد کو ڈاکوؤں نے گن پوئنٹ پر لوٹ لیا، جس کے بعد اداکارہ نے سوشل میڈیا پر طنزیہ انداز میں احوال بتایا ہے۔
پاکستان کی معروف اداکاری نے مرین نفیس نے سماجی رابطے کی ویب سائٹ ٹوئٹر پر لکھا کہ ’اذیت ناک رات گزارنے کے بعد میں اس بات کو اپنے حد تک محدود نہیں رکھ سکتی، گزشتہ شام میرے شوہر کو ڈاکوؤں نے لوٹ لیا‘۔
انہوں نے کہا کہ ‘یہاں فکرمند ہونے کی وجہ چھینی گئی اشیا نہیں بلکہ صدمہ ہے جس سے ہمیں گزرنا پڑا، یہ سوچ کہ کسی نے امان کے سر پر بندوق رکھی، یہ اس سمیت ہم سب کے لیے ایک صدمے جیسی ہے’۔
• !!! pic.twitter.com/ZZrQ4jZy2J
— Mariyam Nafees Amaan (@MariyamNafeees) February 9, 2023
مریم نے ٹوئٹ پر اسٹیک ہولذرز کو طنز کرتے ہوئے لکھا کہ ‘یہ شہر کتوں کے پاس جاچکا ہے، لوگ ہر طرف اور ہر جگہ لٹ رہے ہیں، لوگوں کو ہولناک ٹریفک جام میں لوٹا جارہا ہے اور کوئی بھی اس کی دیکھ بھال نہیں کررہا، یہ سب بہت عام ہوچکا ہے’۔
مریم نے لکھا ‘تمام اسٹیک ہولڈرز کو شہر برباد کرنے پر مبارک ہو، ‘ ساتھ ہی اداکارہ نے شوہر کی خیریت بتائی اور لکھا کہ الحمداللہ وہ خیریت سے ہیں۔
