کراچی میں رینجرز موبائل سے موٹرسائیکل سوار شہری کو ٹکر مارنے کے واقعے کی وائرل ویڈیو کی حقیقت سامنے آگئی۔
اے آر وائی نیوز کے مطابق کراچی کے علاقے پاک کالونی میوہ شاہ قبرستان کے قریب رینجرز موبائل کی موٹرسائیکل سوار شہری کو ٹکر مار کر گرانے کی ویڈیو سوشل میڈیا پر وائرل ہورہی ہے۔
وائرل ویڈیو میں دیکھا جاسکتا ہے کہ رینجرز موبائل سے ٹکر کے بعد موٹر سائیکل سوار گرگیا، تین رینجرز اہلکاروں نے موٹرسائیکل سوار کو تشدد کا نشانہ بنایا، تشدد کےبعد رینجرز اہلکار موٹر سائیکل سوارکو موبائل میں بٹھا کرلے گئے۔
تاہم اب ذرائع کا بتانا ہے کہ مبینہ منشیات بیچنے کے شبے میں شہری کو رینجرز کی جانب سے ناکے پر روکا گیا ملزم رکنے کے بجائے بھاگ نکلا۔
This is what Rangers says about this CCTV incident
شہری کو میوہ شاہ قبرستان کے قریب مبینہ منشیات بیچنے کے شعبے میں روک رہے تھے لیکن ملزم بھاگ نکلا، رینجرز ذرائع
رینجرز کی گاڑی نے پیچھا کر کے مبینہ ملزم کی موٹرسائیکل کو ٹکر مار کر گراددیا ، رینجرز زرائع#karachi#Rangers pic.twitter.com/N3E08sr4c3
— Salman Lodhi (@Salmanlodhi_85) February 10, 2023
رینجرز موبائل نے ملزم کو ٹکر مار کر گرایا اور اسے حراست میں لے لیا۔
