ریاض: سعودی حکام نے گھریلو عملے کی انشورنس کے حوالے سے کہا ہے کہ انشورنس کا پروگرام تجرباتی ہے اور اسے کروانا لازمی نہیں۔
اردو نیوز کے مطابق سعودی عرب میں گھریلو عملے کی سہولتوں کے لیے قائم سرکاری پورٹل مساند کی انتظامیہ نے کہا ہے کہ گھریلو عملے کے ملازمت کے معاہدوں کا انشورنس پروگرام فی الحال تجرباتی ہے، لازمی نہیں۔
مساند کا کہنا ہے کہ تجرباتی انشورنس پروگرام 22 جنوری 2023 کے بعد ہونے والے ملازمت کے نئے معاہدوں کی انشورنس تک محدود ہے۔
- Advertisement -
مساند کے مطابق متعلقہ فریق کو اس سے استفادے کا حق ہے تاہم انشورنس پروگرام کا حصہ بننا لازمی نہیں ہے۔
مساند کی جانب سے مزید کہا گیا ہے کہ اگر امیدوارریکروٹنگ کے معاہدے کی انشورنس کروانا نہ چاہتا ہو تو وہ معاہدہ انشورنس پروگرام کو نظر انداز کرسکتا ہے۔
