لاہور : نگران وزیراعلیٰ محسن نقوی نے ننکانہ صاحب میں ہجوم کے ہاتھوں ایک شخص کی ہلاکت کے واقعے کی انکوائری کیلئے 3 رکنی تحقیقاتی کمیٹی تشکیل دے دی۔
تفصیلات کے مطابق ننکانہ صاحب میں ہجوم کے ہاتھوں ایک شخص کی ہلاکت کے معاملے پر نگران وزیراعلیٰ نےواقعےکی انکوائری کیلئے 3 رکنی تحقیقاتی کمیٹی تشکیل دے دی۔
ایڈیشنل انسپکٹر جنرل پولیس اسپیشل برانچ پنجاب ذوالفقارحمید کمیٹی کے کنوینر مقرر کئے گئے ہیں۔
ڈی آئی جی فیصل علی راجہ اور ڈی آئی جی سید محمد امین بخاری کمیٹی کےممبر ہوں گے۔
کمیٹی واقعےکی انکوائری کرکے 48 گھنٹے میں رپورٹ وزیراعلیٰ کو پیش کرے گی ،کمیٹی غفلت کا تعین کر کے ذمہ دار پولیس افسران و عملے کیخلاف کارروائی کی سفارش کرے گی۔
اس سے قبل وزیراعظم شہباز شریف نے ننکانہ صاحب میں ہجوم کےہاتھوں ایک شخص کی ہلاکت کے واقعے کا نوٹس لیتے ہوئے واقعے کی تحقیقات کا حکم دیا تھا۔
یاد رہے پنجاب کے شہر ننکانہ صاحب مشتعل ہجوم نے قرآن کی بے حرمتی کے الزام میں ایک شخص کو جان سے مار دیا تھا۔
