لاہور: محکمہ خوراک پنجاب نے 100 سے زائد ملوں کا گندم کوٹہ معطل کر دیا۔
تفصیلات کے مطابق سیکریٹری خوراک اور پنجاب فلار ملز ایسوسی ایشن کے درمیان تنازع بڑھ گیا ہے، محکمہ خوراک پنجاب نے 100 سے زائد ملوں کا گندم کوٹہ معطل کر دیا۔
دوسری طرف پنجاب فلار ملز ایسوسی ایشن نے پیر سے ہڑتال کا اعلان کر دیا ہے۔ چیئرمین ایسوسی ایشن افتخار مٹو نے کہا کہ کل سے فلار ملز گندم نہیں اٹھائیں گے، سرکاری گندم نہیں ہوگی تو مارکیٹ میں آٹے کی سپلائی بھی نہیں ہوگی۔
- Advertisement -
ذرائع کا کہنا ہے کہ محکمہ خوراک پنجاب کی جانب سے 10 ملز مالکان کے خلاف مقدمہ بھی درج کرانے کی ہدایت کی گئی ہے۔
ایسوسی ایشن نے کہا ہے کہ آٹے کی فروخت کے لیے ٹریکنگ اسٹیشن ختم اور دکانوں پر سیل پوائنٹ قائم کیے جائیں۔
