بالی وڈ فلم انڈسٹری کی مشہور اداکارہ شرمیلا ٹیگور ایک طویل عرصے بعد بڑے پردے کی اسکرین پر نظر آئیں گی۔
بھارتی میڈیا کے مطابق ایوارڈ یافتہ اداکارہ اور بالی وڈ اسٹار سیف علی خان کی والدہ شرمیلا ٹیگور 12 سال کے بعد سینما میں واپسی آرہی ہے۔
وہ فلمی سفر کا دوبارہ آغاز راہل چٹیلا کی فلم ’گل مہر‘ سے کررہی ہیں جس میں بالی وڈ کے دیگر بڑے اداکار بھی نظر آئیں گے۔
گل مہر میں بالی وڈ کے نامور اداکار منوج باجپائی کے علاوہ امول پالیکر، سمرن اور سورج شرما بھی اپنی اداکاری کے جوہر دکھائیں گے جبکہ اس کا میوزک ایمی ایوارڈ کے لیے نامزد ہونے والے کمپوزر سدھارتا کھوسلا نے ترتیب دیا ہے۔
منوج باجپائی نے جب شرمیلا ٹیگور سے فلمی دنیا میں واپسی سے متعلق سوال کیا تو اداکارہ کا کہنا تھا کہ ’میں تھوڑا سا گھبرائی ہوئی ہیں۔‘
شرمیلا ٹیگور نے کہا کہ ’طویل وقفے کے بعد فلم کے سیٹ پر واپس آنے پر بہت خوش ہوں جو میرے لیے ایک جانی پہچانی جگہ ہے۔‘
انہوں نے کہا جب مجھے اس کا بتایا گیا تو میں نے فوراً ہی گل مہر کی ٹیم کا حصہ بننے کی حامی بھر لی تھی۔ یہ ایک ایسا فیملی ڈرامہ ہے جس کی بہت سی تہیں ہیں اور اس میں آپ گم ہو جاتے ہیں۔ مجھے یقین ہے لوگ ایک ساتھ بیٹھ کر اسے دیکھنا پسند کریں گے۔
