لاہور : تحریک انصاف کے مرکزی رہنما شاہ محمود قریشی نے کہا ہے کہ تھوڑا فراخدلی کا مظاہرہ کریں عمران خان عدالت میں ضرور پیش ہوں گے۔
ان خیالات کا اظہار انہوں نے اے آر وائی نیوز کے پروگرام سوال یہ ہے میں خصوصی گفتگو کرتے ہوئے کیا، انہوں نے کہا کہ عمران خان کے زخم بھرچکے ہیں لیکن ہڈی ابھی کمزور ہے۔
پی ٹی آئی رہنما نے کہا کہ ہم نے عدالتوں کا ہمیشہ احترام کیا ہے اور پیش ہونے سے بھی گریزنہیں کریں گے، عمران خان نے ڈاکٹرز کے ساتھ مشاورت کی ہے انہوں نے 2ہفتے کیلئے آرام تجویز کیا ہے۔
شاہ محمود قریشی نے بتایا کہ ڈاکٹرز نے کہا ہے کہ اگر عمران خان کی ہڈی کو معمولی سا زور بھی پڑا تو مزید3ہفتے پلسٹر لگے گا۔
ان کا کہنا تھا کہ عمران خان کا مسئلہ سنجیدہ ہے وہ واقعی قاتلانہ حملے میں زخمی ہوئے تھے جبکہ دوسری طرف ایک جعلی میڈیکل رپورٹ پر نوازشریف ملک سے فرار ہوگئے۔
رہنما تحریک انصاف نے کہا کہ موجودہ وزیراعظم نے نوازشریف کی واپسی کیلئے50روپے والے اسٹامپ پیپر پر بیان حلفی دیا تھا، 4سال ہوگئے موجودہ وزیراعظم کے بیان حلفی پرکوئی عدالت نہیں پوچھ رہی۔
