ایف آئی اے اور انٹرپول پاکستان نے بیرونی ممالک عمان اور متحدہ عرب امارات میں کارروائی کرتے ہوئے تین ملزمان کو گرفتار کرلیا ہے۔
ایف آئی اے کے مطابق انٹرپول کے ساتھ مشترکہ کارروائی عمان اور یو اے ای میں کی گئی جہاں سے پولیس کو مطلوب 3 ملزمان کو گرفتار کیا گیا ہے۔
ایف آئی اے ترجمان کا کہنا ہے کہ گرفتار تینوں ملزمان گوجرانوالہ اور وہاڑی پولیس کو مطلوب اور ان کے خلاف اقدام قتل کے مقدمات درج تھے۔
- Advertisement -
ترجمان کا کہنا ہے کہ پولیس کی درخواست پر ایف آئی اے انٹرپول نے نوٹس بھی جاری کیے تھے۔
ایف آئی اے کے مطابق ملزمان کو لاہور اور سیالکوٹ ایئرپورٹ پر پولیس ٹیم کے حوالے کردیا گیا ہے۔ یہ حوالگی انٹرپول اسلام آباد کی رابطہ کاری کی وجہ سے ہوئی ہے۔
