بھارت کے سابق کپتان سچن ٹنڈولکر جن کی ایک دنیا فین ہے وہ خود کھیتوں کے قریب میدان میں ننگے پیر کرکٹ کھیلتی لڑکی کی بیٹنگ پر اس کے فین ہوگئے ہیں۔
دنیائے کرکٹ میں اپنے بلے بازی سے تمام سابقہ ریکارڈ چکنا چور کرنے والے سابق بھارتی کپتان سچن ٹنڈولکر نے سوشل میڈیا پر ایک کچے میدان میں مہارت سے بلے بازی کرتی کم عمر لڑکی کی ویڈیو دیکھی تو وہ اس کے فین ہوگئے اور اس ویڈیو کو اپنے ٹوئٹر اکاؤنٹ پر شیئر کر دیا۔
انڈین کرکٹ ٹیم کے سابق کپتان اور بلے بازی کی دنیا کے بڑے ناموں میں سے ایک سچن ٹنڈولکر سوشل میڈیا پر وائرل ہونے والی ایک ویڈیو میں بلے بازی کرتی کم عمر لڑکی کی مہارت کے فین ہو گئے۔
سوشل میڈیا پر وائرل ہونے والی اس ویڈیو میں کھیتوں کے قریب ایک کم سن لڑکی کو گیند پر وکٹ کے چاروں طرف زبردست شاٹس کھیلتے ہوئے دیکھا جا سکتا ہے۔
یہ ویڈیو ممبئی میں ہونے والی ویمنز پریمیئر لیگ (ڈبلیو پی ایل) کی نیلامی کے صرف ایک دن بعد وائرل ہوئی۔
ٹنڈولکر نے اپنی ٹویٹ میں لکھا کہ کل ہی تو نیلامی ہوئی اور آج میچ بھی شروع؟ کیا بات ہے۔ میں واقعی آپ کی بیٹنگ سے لطف اندوز ہوا۔‘
Kal hi toh auction hua.. aur aaj match bhi shuru? Kya baat hai. Really enjoyed your batting. 🏏👧🏼#CricketTwitter #WPL @wplt20
(Via Whatsapp) pic.twitter.com/pxWcj1I6t6
— Sachin Tendulkar (@sachin_rt) February 14, 2023
کمسن لڑکی کی جارحانہ بلے بازی کے صرف ٹنڈولکر ہی معترف نہیں نکلے بلکہ بی سی سی آئی کے اعزازی سیکریٹری اور ایشین کرکٹ کونسل کے صدر جے شاہ بھی اس لڑکی تعریف کیے بغیر نہ رہ سکے۔
جے شاہ نے اپنی ٹویٹ میں لکھا کہ نوجوان لڑکی کی کرکٹ کی مہارت اور کھیل کے شوق سے حیران ہوں۔ مجھے یہ دیکھ کر خوشی ہوئی کہ خواتین کرکٹ کا مستقبل اچھے ہاتھوں میں ہے۔ آئیے ہم اپنے نوجوان کھلاڑیوں کو بااختیار بنانے کے لیے مل کر کام کریں تاکہ وہ مستقبل میں ہمارے گیم چینجر بن سکیں۔‘
Amazed by the young girl's cricket skills & passion for the game! I'm glad to see that the future of Women's Cricket is in good hands. Let us work together to empower our young athletes so that they can become future game changers! #GirlsInCricket #FutureStars @wplt20 @BCCIWomen pic.twitter.com/Bw5yv151wI
— Jay Shah (@JayShah) February 14, 2023
سوشل میڈیا پر وائرل اس ویڈیو کو اب تک لاکھوں صارفین دیکھ اور پسندیدگی کی سند دینے کے ساتھ دلچسپ تبصرے بھی کرچکے ہیں۔
سوشل میڈیا پر لڑکی کی جارحانہ اور گراؤنڈ کے چاروں جانب شاٹس کھیلنے پر ان کا موازنہ ٹی ٹوئنٹی کے عالمی نمبر ایک کھلاڑی سوریا کمار یادو سے بھی کیا جا رہا ہے۔
