کراچی : گورنرسندھ کامران ٹیسوری نے کراچی پولیس چیف کے دفتر پر ہونے والے دہشت گرد حملے پر اظہار تشویش کرتے ہوئے سخت سے سخت ایکشن لینے کی ہدایت کی ہے۔
ان کا کہنا ہے کہ متاثرہ جگہ پرخصوصی فورسز بھیجی جائیں اور مؤثر کارروائی کرتے ہوئے دہشت گردوں سے آہنی ہاتھوں سے نمٹا جائے۔
گورنرسندھ نے کہا کہ شہر کی انتہائی اہم نوعیت کی عمارت پر دہشت گردوں کا حملہ باعث تشویش ہے، دہشت گرد انسانیت کے کھلے دشمن ہیں۔
کامران ٹیسوری کا کہنا تھا کہ قانون نافذ کرنے والے اداروں پر حملہ گہری سازش ہے، کسی کو بھی امن وامان کی صورتحال خراب نہیں کرنے دیں گے۔
مزید پڑھیں : کراچی پولیس چیف کے دفتر پر حملہ
انہوں نے مزید کہا کہ حکومت عوام کے تعاون سے مٹھی بھر دہشت گردوں کا خاتمہ کرکے رہے گی، تھوڑی دیر میں متاثرہ جگہ کا دورہ کروں گا۔
