معروف اداکارہ فاطمہ آفندی نے اے آر وائی ڈیجیٹل کے مشہور ڈرامے مقدر کا ستارہ کے آخری منظر کی تصویر شیئر کردی۔
تفصیلات کے مطابق معروف اداکارہ فاطمہ آفندی نے سماجی رابطے کی ویب سائٹ انسٹاگرام پر عروسی لباس میں اپنی تصویر شیئر کی۔
تصویر میں ان کے ساتھ ساتھی اداکار عنایت خان بھی موجود ہیں اور تصویر ڈرامے کے ایک منظر کی ہے، فاطمہ نے لکھا کہ ڈرامے کا اختتام آپ کو کیسا لگا؟
View this post on Instagram
- Advertisement -
اے آر وائی ڈیجیٹل پر پیش کیے جانے والے ڈرامے مقدر کا ستارہ کی کہانی صائمہ اختر نے لکھی تھی جبکہ اس کی ہدایت کاری کے فرائض ثاقب ظفر خان نے انجام دیے۔
ڈرامے کی کہانی پوش گھرانے سے تعلق رکھنے والے فیضان اور متوسط طبقے کی لڑکی ہادیہ (فاطمہ آفندی) کے گرد گھومتی ہے۔
ڈرامے میں فاطمہ کی اداکاری کو بے حد پسند کیا گیا جبکہ اس کے اختتام نے بھی ناظرین کو بے حد متاثر کیا۔
