اسلام آباد : وزیر مملکت خزانہ عائشہ غوث پاشا کا کہنا ہے کہ منی بجٹ آج قومی اسمبلی سے منظور کرالیا جائے گا۔
تفصیلات کے مطابق حکومت نے منی بجٹ آج قومی اسمبلی سے منظور کرانے کا فیصلہ کرلیا ہے۔
وزیر مملکت خزانہ عائشہ غوث پاشا نے کہا ہے کہ سپلیمنٹری فنانس بل آج قومی اسمبلی سے پاس ہو جائے گا۔
عائشہ غوث پاشا کا کہنا تھا کہ آئی ایم ایف سے بات چیت جاری ہے، آئی ایم ایف سےمعاملات مثبت سمت میں آگےبڑھ رہےہیں، معاہدےمیں مزیدتاخیر کا امکان نہیں ہے۔
وزیر مملکت خزانہ نے امید ظاہر کی آئی ایم ایف کیساتھ اسٹاف لیول معائدہ جلد ہوجائے گا۔
یاد رہے وزیر خزانہ سینیٹر اسحاق ڈار نے ضمنی مالیاتی بل قومی اسمبلی میں پیش کیا تھا ، جس کے مطابق لگژری اشیا پر سیلز ٹیکس 17 سے بڑھا کر 18 فیصد کی گئی تھی۔
کولڈڈرنکس پرایف ای ڈی 13 سے بڑھا کر 20 فیصدکردی گئی جبکہ منرل واٹر اور انرجی ڈرنکس پرٹیکس میں کوئی اضافہ نہیں کیا گیا۔
شوگرفری فروٹ جوسزپرپہلی بار10 فیصدٹیکس اور جوس کےڈبےکی قیمت پر10 فیصدٹیکس عائد کیا گیا۔
سگریٹ کے پیکٹ کی کم از کم قیمت 15 روپے بڑھادی گئی، جس کے بعد سگریٹ پیکٹ کی کم ازکم قیمت 45 سےبڑھاکر60 روپے ہوگئی
اس کے ساتھ ہی تمام ڈبہ پیک اشیاء جس میں خوردنی تیل، بسکٹ، جام، جیلی اور نوڈلزشامل ہیں سب مہنگے کردیئے گئے۔
اس کے علاوہ فضائی ٹکٹ پرٹیکس50 ہزاریاٹکٹ کی مالیت کا20 فیصدلاگوہوگا، دونوں میں سےجورقم زیادہ ہوگی وہ ٹیکس وصول کیا جائے گا۔
