اسلام آباد: الیکشن کمیشن آف پاکستان نے صدر مملکت کی جانب سے دو صوبوں میں الیکشن کی تاریخ دینے کے بعد کل اہم اجلاس طلب کر لیا۔
ذرائع کے مطابق الیکشن کمیشن کے اجلاس میں صدر مملکت کے اعلان کا جائزہ لیا جائےگا۔ صدر مملکت کی جانب سے لیٹر ملنے کے بعد الیکشن کمیشن قانون کے مطابق فیصلہ کرے گا۔
صدر مملکت عارف علوی نے پنجاب اور خیبرپختونخوا میں انتخابات کی تاریخ دے دی۔
- Advertisement -
صدر مملکت نے چیف الیکشن کمشنر کو خط لکھا ، جس میں پنجاب اورخیبرپختونخوا میں 9 اپریل کو انتخابات کرانے کا اعلان کیا۔ عارف علوی نے کہا کہ الیکشن کمیشن سیکشن57 ٹوکےتحت انتخابات کاانعقادکرے ، آئین کےتحفظ اور دفاع کا حلف لیا ہے۔
صدر مملکت کا خط میں کہنا تھا کہ آئین اورقانون الیکشن میں 90دن سے زائدکی تاخیر کی اجازت نہیں دیا، انتخابات کی تاریخ کیلئے آئینی اور قانونی حق استعمال کیا۔
