اسلام آباد : تحریک انصاف کے رہنما فواد چوہدری کا کہنا ہے کہ دبئی کے ٹکٹ میں 50ہزاراور شارجہ کے ٹکٹ پر 75ہزار کا ٹیکس لگا دیا گیا۔
تفصیلات کے مطابق تحریک انصاف کے رہنما فواد چوہدری نے منی بجٹ میں ٹیکسز کے حوالے سے سماجی رابطے کی ویب سائٹ ٹوئٹر پر کہا کہ اوورسیز پاکستانیوں سے پی ڈی ایم حکومت کا سلوک شرمناک ہے۔
فواد چوہدری نے لکھا دبئی کے ٹکٹ میں 50ہزاراورشارجہ کے ٹکٹ پر75ہزار کا ٹیکس لگا دیا گیا، امریکا جانیوالے ڈھائی لاکھ اور لندن اوریورپ والے ڈیڑھ لاکھ تک ٹیکس بھریں گے۔
رہنما پی ٹی آئی نے کہا پاکستان میں رہنے والے اور اوورسیز سب اس حکومت سے تنگ ہیں۔
اوورسیز پاکستانیوں سے PDM حکومت کا سلوک شرمناک ہے،دبئ کے ٹکٹ میں پچاس ہزار اور شارجہ کے ٹکٹ میں پچھتر ہزار روپے کا ٹیکس لگا دیا گیا ہےامریکہ جانیوالے ڈھائ لاکھ اور لندن اور یورپ والے ڈیرہ لاکھ روپے تک ٹیکس بھریں گے، پاکستان میں رہنے والے اور اوورسیز سب اس حکومت سے تنگ ہیں
— Ch Fawad Hussain (@fawadchaudhry) February 21, 2023
یاد رہے قومی اسمبلی میں سپلیمنٹری بل میں چند ترامیم کر دی گئیں۔ دستاویز کے مطابق بیرون ملک سفر پر بزنس کلاس کے ٹکٹ پر ایکسائز ڈیوٹی بڑھا دی گئی تھی۔
