پی ایس ایل 8 میں اسلام آباد یونائیٹڈ کے فاسٹ بولر حسن علی نے ٹی 20 میں اہم سنگِ میل عبور کرلیا۔
گزشتہ روز کراچی کے نیشنل بینک ارینا میں کھیلے گئے پی ایس ایل 8 کے بارہویں میچ میں اسلام آباد یونائیٹڈ نے پشاور زلمی کو 6 وکٹوں سے شکست دی تھی، حسن علی کو تین وکٹیں حاصل کرنے پر میچ کا بہترین کھلاڑی قرار دیا گیا تھا۔
⛔️The Red Hot spell continues for @RealHa55an 🔥⛔️#SabSitarayHumaray l #HBLPSL8 l #PZvIU pic.twitter.com/4eZGXHSSnz
— PakistanSuperLeague (@thePSLt20) February 23, 2023
حسن علی نے مقررہ اوورز میں 35 رنز دے کر تین کھلاڑیوں کو پویلین کی راہ دکھائی تھی اور اسی کے ساتھ ہی ٹی 20 کیریئر میں 200 وکٹیں مکمل کرلی ہیں۔
حسن علی نے انٹرنیشنل، فرنچائز اور ڈومیسٹک کرکٹ میں 156 ٹی 20 میچز کھیل کر 200 وکٹیں حاصل کی ہیں۔
YAAR 😱@RealHa55an breathing fire down the track 🔥#SabSitarayHumaray l #HBLPSL8 l #PZvIU pic.twitter.com/kjLR3E4BSm
— PakistanSuperLeague (@thePSLt20) February 23, 2023
واضح رہے کہ فاسٹ بولر نے 2016 میں پی ایس ایل کیریئر کا آغاز پشاور زلمی سے کیا تھا اور زلمی کی نمائندگی کرتے ہوئے انہوں نے 45 میچز میں 59 کھلاڑیوں کو پویلین کی راہ دکھائی۔
حسن علی 2020 میں اسلام آباد یونائیٹڈ سے منسلک ہوئے اور انہوں نے 21 میچز مئیں 28 کھلاڑیوں کا شکار کیا۔
🌟 Player of the Match 🌟 #SabSitarayHumaray l #HBLPSL8 l #PZvIU pic.twitter.com/wW29XYbOQp
— PakistanSuperLeague (@thePSLt20) February 23, 2023
اسی طرح 28 سالہ فاسٹ بولر نے ملکی نمائندگی رکتے ہوئے 50 ٹی 20 میچز کھیل کر 60 کھلاڑیوں کو پویلین کی راہ دکھائی ہے۔
