کراچی: صوبہ سندھ کے دارالحکومت کراچی میں لانڈھی جیل میں موجود افغان شہری دوران قید انتقال کر گیا، جیل ذرائع کا کہنا ہے کہ قیدی کی بیماری کے حوالے سے افغان قونصل خانے کو آگاہ کیا گیا تھا۔
تفصیلات کے مطابق کراچی کی لانڈھی جیل میں قید افغان شہری انتقال کر گیا، جیل ذرائع کا کہنا ہے کہ 60 سالہ فیض محمد کو گزشتہ ماہ دستاویز نہ ہونے پر گرفتار کیا گیا تھا۔
ذرائع کا کہنا ہے کہ قیدی فیض محمد دوران حراست شدید بیمار ہو گئے تھے، قیدی کی بیماری کے حوالے سے افغان قونصل خانے کو آگاہ کیا گیا تھا۔
