بھارت کے شہر گوا میں پاکستانی ٹیم کو سپورٹ کرنے والے دکاندار پر ہندو انتہا پسندوں نے حملہ کرکے سرعام معافی مانگنے پر مجبور کردیا۔
ہوا کچھ یوں کہ ایک ٹریول وی لاگر کی جانب سے بنائی گئی ویڈیو سوشل میڈیا پر وائرل ہوگئی، وی لاگر نے ویڈیو شیئر کرتے ہوئے کیپشن میں لکھا کہ ’یہ دیکھیں گوا میں بھارتی کس طرح پاکستان کو سپورٹ کررہے ہیں‘۔
This Is How Indians Support Pakistan In Goa, India 🇮🇳#Travel #India pic.twitter.com/jlrVJQJ51z
— Davud Akhundzada (@Davud_Akh) February 22, 2023
ولاگر نے گوا کے ہوٹل کے مالک سے گفتگو کی تھی، ہوٹل کے ٹی وی پر میچ ہوتا دیکھ کر وی لاگر نے دکاندار سے سوال کیا کہ وہ نیوزی لینڈ اور پاکستان کے درمیان ہونے والے میچ میں کس کو سپورٹ کررہے ہیں؟
جس پر ہوٹل مالک کا کہنا تھا کہ پاکستان کو، کیوں کہ یہ مسلمانوں کا علاقہ ہے، ویڈیو وائرل ہونے کے بعد انتہا پسند بھارتیوں نے ہوٹل پر دھاوا بول دیا۔
The man who was supporting Pakistan in Goa pic.twitter.com/jE8IidAf9K
— Madhur Singh (@ThePlacardGuy) February 24, 2023
انتہا پسندوں نے دکاندار کو سرعام معافی مانگنے پر مجبور کیا گیا جس کی ویڈیو بھی سوشل میڈیا پر وائرل ہورہی ہے، جس میں دیکھا جاسکتا ہے کہ دکاندار گھٹنوں کے بل بیٹھ کر معافی مانگ رہا ہے ساتھ ہی بھارت ماتا جے کا نعرہ لگاتے بھی سنا جاسکتا ہے۔
