کراچی : مہنگائی کیخلاف ٹی ایل پی کی ہڑتال کے باعث کی شہروں میں کاروبار جزوی بند ہے جبکہ ٹریفک معمول سے کم ہے۔
تفصیلات کے مطابق مہنگائی کیخلاف ٹی ایل پی کی کال پر ملک بھر میں ہڑتال جاری ہے، کئی شہروں میں کاروبار اور ٹرانسپورٹ مکمل بند ہے تو کہیں جزوی بند ہے۔
کئی شہروں میں مظاہرے ہورہے ہیں ، جس میں حکومت کے خلاف نعرے اور مہنگائی میں کمی کے لیے فوری اقدامات کا مطالبہ کیا جارہا ہے۔
ٹی ایل پی کی جانب سے مہنگائی کیخلاف ہڑتال کی کال پر کراچی شہر میں تمام کاروبای مراکز معمول کےمطابق کھلے ہیں اور پبلک ٹرانسپورٹ بھی سڑکوں پر رواں دواں ہے۔
کراچی: تاجررہنماؤں نے ہڑتال سے لاتعلقی کا اعلان کردیا جبکہ شہر کے تمام پیٹرول پمپس بھی کھلیں ہے تاہم مضافاتی علاقوں میں جزوی ہڑتال ہے۔
اورنگی، بلدیہ ، اتحادٹاؤن اور ملیر میں دکانیں اوراسکول بند کرادیے ، مشتعل افراد نے احتجاج کرتے ہوئے ٹائرجلا کر اور رکاوٹیں کھڑی کرکےروڈ بند کردیا۔
حیدرآباد میں ہڑتال کےباعث صبح کےاوقات میں بازار اور دکانیں اور بیشتر پٹرول پمپس بھی بند ہے، جس سے شہریوں کو مشکلات کا سامنا ہے۔
سجاول میں پٹرول پمپس سمیت تمام چھوٹے بڑے تجارتی مراکز بند ہے جبکہ ٹنڈو محمد خان میں بھی تمام کاروباری مراکز بندہیں۔
گھوٹکی ، کشمور میں شاہی بازار،مین روڈ، شاہی پل، فتح شاہ بخاری سميت مختلف مارکیٹیں بند ہے جبکہ حب،وندر،اوتھل اوربیلہ میں شٹرڈاؤن ہڑتال ہے۔
لاہور میں ٹی ایل پی کی جانب سے مہنگائی کے پیش نظر ہڑتال کی کال پر شہر بھر میں مارکیٹیں جزوی طور پر بند ہیں۔
