اشتہار

"شاہ محمود قریشی کو نماز جمعہ سے بھی رو ک دیا گیا”

اشتہار

حیرت انگیز

اٹک : پی ٹی آئی کے وائس چیئرمین شاہ محمود قریشی کو اٹک جیل میں بنیادی حقوق سے محروم کردیا گیا، نماز جمعہ تک نہیں پڑھنے دی گئی۔

یہ بات شاہ محمود قریشی کے صاحبزادے زین قریشی نے اپنی ہمشیرہ کے ہمراہ ڈسٹرکٹ جیل اٹک کے باہر میڈیا سے گفتگو کرتے ہوئے بتائی۔

انہوں نے کہا کہ میرے والد کو ڈسٹرکٹ جیل میں قید تنہائی میں رکھا گیا ہے، سہولیات بھی عام قیدی سے کم فراہم کی جارہی ہیں، شاہ محمود قریشی کو جیل میں نماز جمعہ سے بھی رو ک دیا گیا۔

- Advertisement -

زین قریشی نے بتایا کہ میرے والد کی جانب سے جیل میں اسیربچو ں کو تعلیم دینے کی استدعا مسترد کردی گئی اور ان کو جیل میں بنیادی انسانی حقوق سے بھی محروم رکھا جارہا ہے۔

ان کا کہنا تھا کہ شاہ محمود قریشی کو نظربند کرنا انسانی حقوق کی سنگین خلاف ورزی ہے، سابق وزیرخارجہ سے جیل میں ناروا سلو ک آئین اور قانو ن کی خلاف ورزی ہے۔

زین قریشی کا مزید کہنا تھا کہ ہم حکومت سے کسی قسم کی مراعات کے طلب گارنہیں تاہم ایک عام قیدی کے برابر سہو لت ضرور چاہتے ہیں، ہم حکومت سے اپنے والد کی رہائی کے لیے کوئی اپیل بھی نہیں کریں گے۔

یاد رہے کہ تحریک انصاف کے وائس چیئرمین شاہ محمود قریشی پی ٹی آئی کی جیل بھرو تحریک کے سلسلے میں اٹک جیل میں اسیر ہیں ان کے ہمراہ پارٹی کے دیگر  اہم رہنماؤں نے بھی اپنی گرفتاری پیش کی تھی۔

 

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں