جنات کے وجود سے انکار ممکن نہیں لیکن بہت سے لوگ اسے محض مذاق یا نفسیاتی خلل سمجھتے ہیں اور کچھ ایسے بھی ہیں جو ان کے وجود سے مکمل انکار کرتے ہیں۔
کچھ ایسا ہی میکسیکو کے صدر اینڈریس مینوئل نے اپنے ٹویٹر پیغام میں کیا، انہوں نے اپنے ذاتی اکاؤنٹ سے درخت پر بیٹھے ایک جن کی تصویرشیئرکردی۔ جس کے بعد صارفین کی بڑی تعداد نے اس تصویر پر شدید تنقید کی۔
ذرائع ابلاغ کی مختلف ویب سائٹس پر صدر کے اس اقدام پر باقاعدہ طنز کی ایک مہم شروع کردی گئی، جس کے بعد اس کی بازگشت بین الاقوامی میڈیا تک بھی جا پہنچی۔
میکسیکو کے صدر نے اپنے ٹوئٹر اکاؤنٹ پر پوسٹ کی گئی دو تصاویر کے ذریعے اپنے فالوورز کو حیران کردیا، پہلی تصویر میں دکھایا گیا کہ رات کے وقت ایک درخت کی شاخ پر ایک جن بیٹھا ہے اور وہ چکمتی ہوئی خوفناک آنکھوں سے کیمرے کو گھور رہا ہے۔
Les comparto dos fotos de nuestra supervisión a las obras del Tren Maya: una, tomada por un ingeniero hace tres días, al parecer de un aluxe; otra, de Diego Prieto de una espléndida escultura prehispánica en Ek Balam. Todo es místico. pic.twitter.com/Tr5OP2EqmU
— Andrés Manuel (@lopezobrador_) February 25, 2023
میکسیکو کے صدر نے اس جن والی تصویر پر تبصرہ کرتے ہوئے کافی سنجیدگی سے یہ تک لکھ دیا کہ تین دن قبل "جنی ایلکس” کی تصویر بنانے میں کامیاب ہوگیا۔
دوسری تصویر پر انہوں نے لکھا کہ ڈیاگو پریٹو نے ہسپانوی دور کے ایک شاندار مجسمے کی تصویر کھینچی ہے۔
ان کے اس ٹویٹ پر طنزیہ تبصرے سامنے آنے شروع ہوگئے۔ ایک صارف نے تبصرہ کیا کہ ایلکس مخلوق کے افسانے بھی آپ کی کامیابیوں کی طرح حقیقی ہیں، دوسرے صارف نے لکھا کہ میں نے پہلے سوچا کہ یہ ایک طنزیہ اکاؤنٹ ہے، کیا صرف صدر کا طنزیہ اکاؤنٹ بننا ہے۔
