ماہرین نے ایک ایسی برقی پٹی تیار کی ہے جس میں تیزی سے زخم بھر نے کی صلاحیت موجود ہے۔
نارتھ ویسٹرن یونیورسٹی کے سائنسداں پروفیسرگیولرمو امیراور ان کی ٹیم نے اس برقی پٹی کو تیا رکیا جس کے بعد کامیاب تجربہ کرکے اس کی متاثر کن کارکردگی بھی دیکھی گئی۔
ماہرین کا کہنا ہے کہ اس برقی پٹی سے زخم 30فیصد تیزی سے بھرے گا، اور ساتھ ہی زخم کی معلومات بھی کسی بیرونی آلے مثلاً اسمارٹ فون تک بھیجتا رہے گا۔
چیٹ جی پی ٹی نے پوچھے گئے سوال پر حیران کر دیا
یہ برقی پٹی روئی کے ٹکڑے پر آسانی سے چپک جاتی ہے اور زخم پر لگتے ہی یہ ہلکی برقی رو خارج کرنے لگتا ہے ، اس طرح زخم تیزی سے بھرتا ہے۔
اس دوروان دیٹ مائیکروالیکٹرانکس سے کاڑھے گئے سینسر اور سرکٹ زخم پرمسلسل نظر رکھتے ہیں اور اس کی اطلاع کسی ٹیبلٹ اور اسمارٹ فون پر وصول کی جاسکتی ہے، یہ زخم میں کسی انفیکشن کی اطلاع بھی دے سکتا ہے۔
یہ پٹی بالخصوص بوڑھے افراد اور ذیابیطس کے مریضوں کے لیے ایک رحمت ہے جن کے معمولی زخم بھی دیرینہ ناسور بن جاتے ہیں۔
یہاں تک کہ ذیابیطس کے مریضوں کے اعضا بھی کاٹنے پڑتے ہیں اور یہی وجہ ہے کہ ہرسال دنیا بھر میں ذیابیطس کے ہزاروں مریض انگلیوں اور پیروں سے محروم ہورہے ہیں۔
