دنیا بھر میں میسجنگ کی مقبول ایپلیکیشن واٹس ایپ نے صارفین کیلیے اسٹیٹس سے متعلق نیا فیچر پیش کر دیا۔
میڈیا رپورٹس کے مطابق واٹس ایپ کا اسٹیٹس فیچر بہت کامیاب رہا جسے صارفین روز مرہ زندگی میں خوب استعمال کر رہے ہیں۔ کمپنی اس میں مزید بہتری لانے کی کوشش کر رہی ہے۔
حال ہی میں واٹس ایپ نے ایک ایسے فیچر پر کام مکمل کر لیا ہے جس میں آپ ناپسندیدہ اسٹیٹس کو رپورٹ کرنے اہل ہوں گے۔
کمپنی اس فیچر پر کافی عرصے سے کام کر رہی تھی اور اب یہ آزمائش کے مرحلے میں ہے۔
ناپسندیدہ اسٹیٹس رپورٹ کیے جانے کے بعد ماڈریشن ٹیم کو ارسال کیا جائے گا جو دیکھے گی کہ آیا اسٹیٹس لگانے والے نے قواعد کی خلاف ورزی کی یا نہیں؟
