اسلام آباد : وفاقی حکومت نے رمضان کے لئے ریلیف پیکج تیار کرلیا ، رمضان میں 19 اشیائے ضروریہ پر سبسڈی دی جائے گی۔
تفصیلات کے مطابق رمضان کے لئے وفاقی حکومت کا ریلیف پیکج تیار کرلیا گیا ، جس کے تحت 5ارب کی سبسڈی دی جائے گی۔
ذرائع وزارت صنعت وپیداوار نے بتایا کہ رمضان کیلئے 19 اشیائے ضروریہ پر حکومت کی جانب سےسبسڈی دی جائے گی۔
ذرائع کا کہنا تھا کہ رمضان پیکج کے تحت سبسڈی بے نظیرانکم سپورٹ پروگرام میں رجسٹرڈ افراد کیلئے ہو گی اور اشیائے ضروریہ پر سبسڈی یوٹیلٹی اسٹورز پر فراہم کی جائے گی۔
ذرائع کے مطابق رمضان پیکج کے تحت آٹا، گھی دالوں،چینی،دیگراشیائےضروریہ پر رمضان پیکج کےتحت سبسڈی فراہم کی جائے گی۔
مہنگائی کے باعث عوام بالخصوص نچلے طبقے کو ریلیف فراہم کرنے کیلئے سبسڈی کا فیصلہ کیا ہے۔
