اسلام آباد : وزیر خزانہ اسحاق ڈار نے صحافی کی جانب سے استعفیٰ دینے کے سوال پر برہم ہوتے ہوئے کہا کہ کیا آپ کو میرے کام کرنے سے تکلیف ہے؟
تفصیلات کے مطابق وزیر خزانہ اسحاق ڈار سے میڈیا گفتگو میں صحافی نے سوال کیا آپ کیا کرنے جارہے ہیں؟ تو اسحاق ڈار نے جواب دیا چار بجکر 10 منٹ پر پریس کانفرنس کروں گا۔
صحافی نے مزید سوالات کئے کہ موجودہ معاشی صورتحال پر حکومت کی کیا حکمت عملی ہے؟ کیا آپ استعفیٰ دینے جارہے ہیں؟
وزیرخزانہ نے سوال پر برہمی کا اظہار کرتے ہوئے صحافی سے ہی سوال کرڈالا کہ کیا آپ کو میرے کام کرنے سے تکلیف ہے؟
صحافی کا کہنا تھا کہ شبرزیدی نے کہا ہے کہ آپ آج استعفیٰ دینے جارہے ہیں؟ تو اسحاق ڈار نے کہا اس نے اس ملک کے ساتھ کیا کیاہے، اربوں روپے کے ری فنڈز دے دیئے اس کوجیل میں ہونا چاہیے۔
وزیرخزانہ نے صحافی سے کہا کہ چار بج کردس منٹ پر تشریف لائیں پھر بات ہوگی۔
