اشتہار

گاڑیاں نام کروانے کی مہم میں شہریوں کی عدم دلچسپی

اشتہار

حیرت انگیز

کراچی: صوبہ سندھ کے دارالحکومت کراچی میں گاڑی کو اصل مالک کے نام پر ٹرانسفر کروانے کی مہم جاری ہے اور خلاف ورزی پر روزانہ چالان کیے جارہے ہیں لیکن شہری قانون کی پاسداری کو تیار نہیں۔

تفصیلات کے مطابق شہر قائد میں گاڑیوں کے روزانہ درجنوں چالان کیے جارہے ہیں اور لوگ جرمانے کی بھاری رقم ادا کر رہے ہیں۔

ایک ٹریفک پولیس اہلکار کا کہنا ہے کہ وہ روزانہ اصل نمبر پلیٹ اور گاڑی اپنے نام کروانے کے قانون کی خلاف ورزی پر درجنوں چالان کر رہے ہیں۔

- Advertisement -

ان کا کہنا تھا کہ کچھ گاڑیاں ایسی ہیں جن کے ڈرائیورز نے ہفتے میں دو بار بھی چالان بھرا لیکن اس کے باوجود وہ قانون کی خلاف ورزی کر رہے ہیں۔

ٹریفک پولیس کے مطابق اوپن لیٹر پر موجود گاڑیاں ضبط کی جارہی ہیں اور ان کے کاغذات مکمل کیے جانے کے بعد انہیں ریلیز کیا جارہا ہے۔

دوسری طرف شہریوں کا کہنا ہے کہ کچھ عرصہ پہلے تک اصل نمبر پلیٹ نہیں بن رہی تھی، اب سختی کے بعد دوبارہ سرکاری دفاتر کے چکر کاٹنے ہوں گے اور نمبر پلیٹ بنوانی ہوگی۔

ادھر محکمہ ایکسائز موٹر وہیکل ڈپارٹمنٹ کے ڈپٹی ڈائریکٹر ایڈمن ضیا شاہ نے بتایا کہ گزشتہ کچھ عرصے میں 3 لاکھ سے زائد نمبر پلیٹس تیار کی گئی یں جن میں سے ڈھائی لاکھ مالکان نے وصول کرلی ہیں۔

40 سے 50 ہزار پلیٹس ابھی تک وصول نہیں کی گئیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں