تامل ناڈو : بھارت میں نوجوان باڈی بلڈر محض ڈبل روٹی کا ایک نوالا کھانے سے موت کے منہ میں چلا گیا۔
اس حوالے سے بھارتی میڈیا کا کہنا ہے کہ ریاست تامل ناڈو میں ایک افسوس ناک واقعہ پیش آیا ہے جس میں 21 سالہ باڈی بلڈر نوجوان ہری ہرن کی موت ایک ڈبل روٹی کے ٹکڑے سے ہوگئی۔
تامل ناڈو کا 21 سالہ نوجوان اسٹیٹ لیول چیمپئن شپ کی تیاریوں میں مصروف تھا کہ اس دوران نے ورزش کے دوران ڈبل روٹی کا ایک ٹکڑا کھالیا۔
کھانے کے وقفے کے بعد وہ جیسے ہی اس نے دوبارہ ورزش کرنا شروع کی تو ڈبل روٹی کا ٹکڑا نوجوان کے حلق میں پھنس گیا اور سانسں لینے میں تکلیف کے باعث وہ نیچے گر کر فوری طور پر بےہوش ہوگیا۔
نوجوان کو فوری طور پر اسپتال منتقل کیا گیا جہاں ڈاکٹروں نے اسے مردہ قرار دے دیا۔ میڈیا رپورٹس کے مطابق نوجوان کی شناخت ہری ہرن کے نام سے ہوئی ہے اور وہ 70 کلو کیٹیگری کے مقابلے میں حصہ لینے والا تھا۔
ڈاکٹرز کا کہنا ہے کہ نوجوان کی موت ڈبل روٹی کا ٹکڑا غذا کی نالی کے بجائے سانس کی نالی میں پھنسنے کی وجہ سے ہوئی۔
