کوئٹہ: صوبہ بلوچستان کے دارالحکومت کوئٹہ میں 20 کلو آٹے کا تھیلا 26 سو 60 سے 28 سو روپے میں فروخت ہورہا ہے، فلور ملز ایسوسی ایشن کا کہنا ہے کہ فلور ملز کو گندم ملنی گزشتہ 10 دنوں سے بند ہے۔
تفصیلات کے مطابق حکومت صوبہ بلوچستان کے دارالحکومت کوئٹہ میں آٹے کی قیمتیں کم کرنے میں ناکام ہوگئی، شہر میں مہنگے داموں آٹا فروخت ہورہا ہے۔
مارکیٹ ذرائع کا کہنا ہے کہ شہر میں 20 کلو آٹے کا تھیلا 26 سو 60 سے 28 سو روپے میں فروخت ہورہا ہے۔
- Advertisement -
شہریوں کا کہنا ہے کہ سرکاری سستا آٹا پوائنٹس لگنا بھی بند ہوگئے ہیں۔
دوسری جانب صدر فلور ملز ایسوسی ایشن ناصر آغا کا کہنا ہے کہ فلور ملز کو گندم ملنی گزشتہ 10 دنوں سے بند ہے، محکمہ خوراک کی نا اہلی سے شہری پریشان ہیں۔
