اسلام آباد : وزیر دفاع خواجہ آصف کا کہنا ہے کہ عمران خان گرفتار نہ ہوکر ایکسپوز ہوگئے ، ان کو گرفتار کرنے سے زیادہ اچھا ہے اسے بھگائیں۔
تفصیلات کے مطابق وزیر دفاع خواجہ آصف نے میڈیا گفتگو کرتے ہوئے کہا کہ عمران خان کو گرفتار کرنے سے زیادہ اچھا ہے اسے بھگائیں ۔
خواجہ آصف کا کہنا تھا عمران خان گرفتار نہ ہوکر ایکسپوز ہوگئے ، عمران کی ایسی سیاسی بزدلی سے تو حکومت کو فائدہ ہے۔
انھوں نے کہا کہ کل ساری قوم نے عمران خان کی بزدلی دیکھی ، عمران خان چوہے کی طرح چھپ رہے تھے۔
،وزیر دفاع کا کہنا تھا کہ دو نمبری دیکھیں شبلی فراز کہتا ہے کہ وہ یہاں نہیں ہیں، عمران خان وہیں سے بعد میں خطاب کررہا تھا، عمران خان کو اس کی بزدلی ذلیل و خوار کررہی ہے۔
اتحادیوں میں اختلافات کی خبروں پر ان کا کہنا تھا کہ جہاں بھی اتحادی حکومت ہوتی ہے وہاں چھوٹے موٹے اختلاف ہوتے ہیں ، یہ اختلافات باہمی گفتگو سے معاملات حل ہو جاتے ہیں ، یہ گواہی دیتا ہوں پیپلز پارٹی کے وزرانے ہمیشہ اتحادی حکومت کا ساتھ دیا۔
