راولپنڈی: پی ایس ایل 8 میں اسلام آباد یونائیٹڈ کے فاسٹ بولر فضل الحق فاروقی کو نامناسب زبان کے استعمال پر جرمانہ عائد کردیا گیا۔
پی ایس ایل کے 26ویں میچ میں لاہور قلندرز کے خلاف میچ میں اسلام آباد یونائیٹڈ کے فاسٹ بولر فضل الحق فاروقی کو ضابطہ اخلاق کی خلاف ورزی پر میچ فیس کا 10 فیصد جرمانہ کیا گیا ہے۔
فاسٹ بولر کو پی سی بی کوڈ آف کنڈکٹ کے آرٹیکل 2.5 کی خلاف ورزی کرتے ہوئے پایا گیا۔
- Advertisement -
یہ واقعہ لاہور قلندرز کی بیٹنگ کے 19ویں اوور میں پیش آیا جب فاروقی نے بلے باز کو آؤٹ کرنے کے بعد نامناسب زبان کا استعمال کیا۔
فاروقی نے الزام کا اعتراف کیا اور میچ ریفری روشن مہاناما کی تجویز کردہ جرمانے کو قبول کیا۔ واضح رہے کہ آن فیلڈ امپائرز علیم ڈار اور فیصل خان آفریدی نے فضل الحق فاروقی کے خلاف میچ ریفری سے شکایت کی تھی۔
