واشنگٹن : امریکا کا سیلیکون ویلی بینک مطلوبہ سرمایہ جمع کرنے میں ناکامی کے بعد ڈیفالٹ کرگیا، شرح سود میں مسلسل اضافہ بینک کے دیوالیہ ہونے کی وجہ بنا۔
تفصیلات کے مطابق امریکا کا سیلیکون ویلی بینک دیوالیہ ہوگیا، سیلیکون ویلی بینک مطلوبہ سرمایہ جمع کرنے میں ناکامی کے بعد ڈیفالٹ کرگیا۔
غیر ملکی میڈیا نے بتایا کہ بینک کا کنٹرول امریکی فیڈرل ڈپازٹ انشورنس کارپوریشن کو دیدیا گیا اور سانٹا کلارا بینک ہیڈکوارٹرز کو بینکنگ ریگولیٹرز نے مکمل بند کردیا ہے۔
- Advertisement -
میڈیا رپورٹس کے مطابق فیڈ کی جانب سے شرح سود میں مسلسل اضافہ بینک کے دیوالیہ ہونے کی وجہ بنا۔
سیلیکون ویلی بینک کا مرکزی دفتر اور تمام شاخیں بینک کھاتہ داروں کیلئے تیرہ مارچ کو دوبارہ کھلیں گی، انشورنس شدہ ڈپازٹرز کو پیر کی صبح تک اپنے ڈپازٹس تک مکمل رسائی حاصل ہو گی۔
