بالی وُڈ کے اداکار سیف علی خان اور اداکارہ کرینہ کپور خان کی شادی بھارتی فلم انڈسٹری کی یادگار شادی مانی جاتی ہے، سیف علی خان کرینہ کپور سے شادی کرنے کو اپنی زندگی کا ’بہترین فیصلہ‘ قرار دیتے ہیں۔
بالی وڈ کی ’بے بو‘کرینہ کپور اور سیف علی خان آج بھی بھارت میں سب سے پیارے جوڑوں میں شمار کیے جاتے ہیں۔
کرینہ اور سیف نے 2012 میں شادی کی تھی، ان دونوں کے درمیان قربتیں فلم ’ٹشن‘ کے سیٹ سے بڑھیں اور پھر کچھ سالوں کی ڈیٹنگ کے بعد دونوں نے شادی کرنے کا فیصلہ کیا۔
تاہم کرینہ کچھ سال قبل کرن جوہر کے شو کافی ود کرن میں شرکت کی تھی، جہاں انہوں نے اپنی زندگی کے بارے میں کئی سارے انکشاف کیے تھے۔
اس دوران کرینہ نے یہ بھی بتایا تھا کہ جب سیف علی خان سے شادی کا فیصلہ کیا تو لوگوں نے مجھے کہا تھاکہ مجھے سیف سے شادی نہیں کرنی چاہیے، کیونکہ وہ طلاق شدہ ہیں اور دو بچوں کے والد ہے۔
بالی وڈ کی بے بو نے یہ بھی کہا ’کچھ لوگوں نے تو یہاں تک کہا تھا کہ اگر وہ سیف سے شادی کرتی ہیں تو ان کا کرئیر بھی برباد ہوجائے گا‘۔
کرینہ کپور نے کہا کہ مجھے ان لوگوں کی باتوں کا کوئی اثر نہیں پڑا، میں نے سوچا کہ کسی کو چاہنا یا شادی کرنا کیا اتنا برا ہے، اگر ایسا ہے تو شادی کرکرکے دیکھتے ہیں۔
واضح رہے کہ آج سیف اور کرینہ کی شادی کو سالوں گزر چکے ہیں، کرینہ سیف کی دوسری بیوی ہیں، سیف علی خان کی پہلی شادی امریتا سے ہوئی تھی، جن سے ان کے دو بچے سارہ علی خان اور ابراہیم علی خان ہیں۔
