اسلام آباد : بیرسٹر چوہدری اعتزاز احسن کا کہنا ہے کہ سیاستدان کے حکم پر سیاستدان کے گھر پر چڑھائی ہورہی ہے ، یہ نہیں ہونا چاہیے۔
تفصیلات کے مطابق سینیٹ میں بیرسٹر چوہدری اعتزاز احسن نے خطاب کرتے ہوئے کہا اس وقت لاہور میں میرے گھر پر آج بھی شیل گر رہے ہیں۔
اعتزاز احسن کا کہنا تھا کہ سیاستدان اتنے منقسم ہوگئے ہیں ، سویلین سیاستدان کےحکم پرسویلین سیاستدان کےگھرپرچڑھائی ہورہی ہے، یہ نہیں ہونا چاہیے۔
- Advertisement -
انھوں نے کہا کہ آج ایک کے پیچھے، کل دوسرے پھر تیسرے کے پیچھے ہوں گے، پھر ہم میں سے کوئی بھی محفوظ نہیں رہے گا۔
بیرسٹر چوہدری اعتزاز احسن نے مزید کہا یہ نہ سمجھیں یہ ایک کے ساتھ ہے، میرا اس سے کیا تعلق؟ یہ ریاست کی رٹ اس طرح نہیں رہے گی، ہماری اس ایوان کی رٹ بھی نہیں رہے گی، ہم سب کیلئے لمحہ فکریہ ہے۔
