واشنگٹن : پاکستان اور افغانستان کیلئے امریکی نمائندہ خصوصی ڈان فیلڈ مین آج پاکستان کے دورے پر پہنچ رہے ہیں، وہ سول اور فوجی حکام سے ملاقاتیں کریں گے۔
امریکی محکمہ خارجہ کے ترجمان کے مطابق امریکی نمائندہ خصوصی اپنے دو روزہ دورے میں پاکستان میں اعلی سول اور فوجی حکام سے ملاقاتیں کریں گے جبکہ سول سوسائٹی کے نمائندوں سے بھی ان کی ملاقاتیں تشکیل دی جارہی ہیں۔
امریکی مندوب کی بری فوج کے سربراہ جنرل راحیل شریف سے بھی ملاقات متوقع ہے تاہم امریکی محکمہ خارجہ نے اس ملاقات کا باضابطہ طور پر کوئی اعلان نہیں کیا۔
- Advertisement -
توقع ہے کہ فیلڈمین اپنے دورے میں جنرل راحیل شریف کے دورہ امریکہ کے حوالے سے لائحہ عمل پر بات چیت کریں گے۔
