اشتہار

وزیر اعظم کا علیم ڈار کو شاندار خدمات پر خراج تحسین

اشتہار

حیرت انگیز

وزیر اعظم شہبازشریف نے ایلیٹ پینل سے دستبردار ہونے والے علیم ڈار کو شاندار خدمات پر خراج تحسین پیش کیا ہے۔

پاکستانی امپائر علیم ڈارانٹرنیشنل کرکٹ کونسل (آئی سی سی) کے ایلیٹ پینل سے دستبردار ہوگئے ان کی جگہ پاکستان امپائر احسن رضا کو پینل میں شامل کیا گیا ہے۔

علیم ڈار نے 435 انٹرنیشنل میچز میں امپائرنگ کے فرائض انجام دیے جو کہ ورلڈ ریکارڈ ہے۔ انہوں نے ریکارڈ 144 ٹیسٹ اور 222 ون ڈے جبکہ 69 ٹی ٹوئنٹی انٹرنیشنل میچز سپروائز کیے ہیں۔

- Advertisement -

علیم ڈار آئی سی سی ایلیٹ پینل میں شامل ہونے والے پہلے پاکستانی امپائر تھے۔ وہ 2004 میں ایلیٹ پینل آف امپائرز میں شامل ہوئے تھے، انہوں نے 2009 سے 2011 تک مسلسل تین بار بہترین امپائر کا ایوارڈ اپنے نام کیا۔

تاہم اب وزیر اعظم شہباز شریف نے علیم ڈار کو شاندار  خدمات پر خراج  تحسین پیش کرتے ہوئے کہا کہ علیم ڈار نے عالمی کرکٹ کے تمام فارمیٹس میں عمدہ امپائرنگ کی۔

وزیراعظم شہبازشریف کا مزید کہنا تھا کہ پاکستان کو علیم ڈار کی عمدہ کارکردگی پر فخر ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں